حـ’’ـركـآآت الشـ’’بـآب عـ’ـد الآشـ’’ـآرـآت

اليووم جبت لكـم موضووع عن الشباب ...

لا احد يزعل علينا شباب








@النوع الاول:-
هو اللي يستغل وقته ويرتب سيارته ويفتح دروج السياره ويعفــّط في الفواتير ويرميها في الشارع وفجأه ماتدري الا وهو ناقز في المرتبه اللي ورى ولا تستغرب اذا شفته ناقز في شنطة السياره ( الرجال مرتب ) وتنفتح الاشاره والاخ مشغول في التنظيف.





@النوع الثاني:-
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح (قصده شريف) وشوي ويقص اظافر يده وماتدري الا وهو رافع رجله يقصقصها هذا اذا كان معه مقص اظافر واذا مامعه فالحل موجود طبعا يقص اظافرهـ بواسطة اسنانه (قمة النظافة)!!!!!!؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟





@النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو واخوياه ويرقصون السياره معهم.





@النوع الرابع:-
وهو عكس اللي قبله وهو اللي يشغل شريط مزعل فرحان
(جاني خبر في غربتي قيل بركود) <<<--------- اغنيه لمزعل حزيييييينه مرررررررررررة ((والله ما سمعتها بس دايما اشوفهم يرفعون الصوت بها عند الاشارات و الا انا مالي و مال الغنـــاء ))
وانواع القلق والحزن والتفكير وطبعا الاغنيه من كثر ماهي حزينه وقديمه تشك انه مغنيها قبل توحيد المملكه ويكون وجهه موّرم من الصياح وكثر الاحزان





@النوع الخامس:-
وهو اللي توهـ مكتشف انه (أب) ومايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويصفق عياله بكرتون المناديل اللي ماليه السياره والفضل يعود لمحطة البنزين لو تمر من عندهم عطوك كرتون مناديل هديه.





@النوع السادس:-
وهو اللي يستغل الوقت ويجلس يشخص ويرش عطر وشوي يحط روج ومعلق (سماعات البلوتوث) في اذنه ومشغل شريط (سيلين ديون) مسوي يتسمع غربي وانواع البحلقة في السيارات اللي جمبه.





@النوع السابع:-
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك> الهمبرقر بيد والببسي والبطاطس بيد والشاورما في حضنه والفطاير جمبه والبيتزا في المرتبه اللي ورى ولا تستغربون لو شفتوه طايح في مفطح.





@النوع الثامن:-
وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي جمبه طفشان ومشتغل مسجات بالجوال.





@النوع التاسع والاخير:-
وهو اللي سيارته زحمه مو ناس لا ماخلى ثوب ولا شماغ ولا بدله ولا جزمه الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى البطانيه جايبها وماخذها معاه تعرفون الرجال مشغووول طول يومه